На 29.11.2025 во Виница, тимот на Конект спроведе сесија во рамки на HR викендот, организиран од страна на Македонската асоцијација за човечки ресурси. Дискусиите за ESG рамката и повратот на инвестициите од родово одговорните семејни политики во приватниот сектор привлекоа 29 професионалци за човечки ресурси и бизнис лидери.
Во рамки на сесијата се претставија и можностите на програмата „Проширување на изборот преку политики за усогласување на семејните и работните обврски“, имплементирана од Фондот за население на Обединетите нации (УНФПА) и Здружение Конект, а финансиски поддржана од Австриската агенција за развој (АДА).



