Придружете нѝ се на настанот што ја заокружува националната кампања за филантропија „Денови за донирање“.
Во недела на 15.12.2024 од 11:00 часот до 17:00 часот во East Gate Mall дојдете на добротворниот новогодишен базар. Со купување уникатни производи и новогодишни подароци директно ќе ја поддржите работата на социјалните претпријатија и занаетчиите, а истовремено ќе донирате во донаторскиот фонд на Конект за важни промени во општеството и заедниците. 💟
🎁 Автентични ракотворби, органски и природни производи, изработки од реупотребени и рециклирани материјали – ова е само дел од понудата.
Во продолжение прочитајте повеќе детали за производите, учесниците и детските работилници:
🎅 Добротворниот новогодишен базар нуди интересни содржини и забава и за најмладите.
ДЕТСКИ РАБОТИЛНИЦИ
ЕДУКАТИВНИ ИГРИ
Едукативни компјутерски игри за деца – Отворете ги прозорците користи асистивна информатичка технологија која на децата со попреченост им помага да учат и да го остварат својот потенцијал. Играјте, донирајте и добијте ваучер за бесплатна проценка од стручниот кадар на логопеди и дефектолози.
🎄 И ЗА КРАЈ…
Елка на добри дела – и твоето добро дело што го направи годинава нека ја кити нашата елка. Запиши си и ветување за следната и направи нешто добро во новата 2025 година!