АКТУЕЛНО

• Пријавете се на средбата за дијалог на 27.10.2022 <<тука>>
• Важни информации од последните консултации на мрежата <<тука>>
• Прочитајте за важни рокови за ГО до крајот на април <<тука>>
• Извршете упис во регистарот на вистински сопственици.  Повеќе информации <<тука>>
• Како пандемијата влијае врз финансиската одржливост на ГО. Прочитајте што 135 граѓански организации одговорија на нашите прашања <<тука>>

Прочитајте подолу:

• Како да се зачлените во мрежата?
• Кои се досегашните активности и постигнувања?
• Кои се членки на мрежата?

 

Се повикуваат  сите заинтересирани граѓански организации формирани согласно Законот за здруженија и фондации да учествуваат во работата на мрежата.

Мрежата за финансиска одржливост на ГО е неформална коалиција за застапување за промени во регулативата што се однесува на даночниот третман и финансиското работење на ГО. Основана е од Конект во партнерство со Фондација Аполонија. Со целосна поддршка на проектот мрежата застапува за поволни промени во следните области:

• Даночниот третман на ГО;
• Даночните олеснувања за донации и спонзорства за ГО и поврзување со статусот на организации од јавен интерес;
• Сметководствениот систем за непрофитни организации;
• Статусот на ГО како работодавачи и поддршка за вработување во граѓанскиот сектор преку активни мерки за вработување;
• Социјално претприемништво и модели на финансиска одржливост.

Мрежата е отворена за широко  учество на ГО со различни мисии и нивоа на развој. Членството на мрежата е организирано во две нивоа и тоа:

• Ниво за застапување– соодветно за организации со капацитет и искуство во застапување, анализа на јавни политики и/ли со специфична експертиза од областите на интерес на мрежата. Ќе се очекува организациите од ова ниво директно да се вклучат во обмислувањето и реализацијата на активностите за застапување;
• Ниво за поддршка– соодветно за организации што од различни причини не се во можност директно да се вклучат во активностите, но ја поддржуваат мрежата и се вклучуваат во активностите. Ова ниво на членство е особено погодно за малите локални (грас-рут) организации и за ГО што ќе имаат корист од размената на информации и искуства.

Без оглед на нивото, сите членки имаат исти права и можности за учество во телата и активностите на мрежата. Овозможено е менување на нивото на членство по потреба и барање на членките. За покана за пристапување кон членство организацијата треба да задоволува сите критериуми за подобност и еден или повеќе од специфичните критериуми за соодветното ниво наведени во формуларот за пријавување интерес.

Заинтересираните граѓански организации се повикуваат да пратат целосно пополнет формулар (превземете тука) и документи за поткрепа (ако е применливо) до здружение Конект во електронска форма на konekt@konekt.org.mk и во хартиена верзија во канцелариите на ул. „Владимир Полежиновски“  19-1/6, 1000 Скопје. За повеќе информации јавете се на 02/ 3224 198.

По процесот на проверка на формуларите организациите ќе бидат информирани и ако е соодветно ќе им биде доставена официјална пристапница кон мрежата. Се замолуваат ГО да го проследат овој повик до сите заинтересирани соработници формирани согласно Законот за здруженија и фондации.

Кои се досегашните постигнувања и активности?

• Консултации на мрежата
• Постигнувања на мрежата
• Форум во Тетово
• Форум во Битола 
• Застапување за Законот за сметководство на непрофитни организации и настан