kon-0

Конект

КОНЕКТ

Персонал

М-р Никица Кусиникова, Извршна директорка

Има завршено европски постдипломски студии по компаративен локален развој при Универзитетот од Тренто, Универзитетот од Регенсбург и Корвинус Универзитетот од Будимпешта. Магистрира на темата „Филантропија кај дијаспората како потенцијален ресурс за невладините организации во Македонија“. Следејќи ја својата примарна струка, како дипломиран инженер по електротехника има работено во Македонска Радио Телевизија. Преку осумнаесет години работи на раководни позиции и како консултант во меѓународни и домашни развојни програми. Таа е еден од клучните експерти во Македонија и регионот во областите на општествена одговорност, филантропијата и социјалното претприемништво и е авторка на повеќе публикации и истражувања. Никица е Претседателка на Националниот совет за развој на волонтерството, Претседателка на Локалната советодавна група на Проектот ТАКСО и заменик член на Националното координативно тело за ООП. На меѓународен план, како контакт лице на Македонската мрежа, ги претставува Локалните мрежи на Глобалниот договор од Источна Европа во Советодавната Група на ГД на Обединетите Нации. Волонтерски членува во управните одбори на неколку организации. Во слободното време сака да патува.
Областите во коишто донира се: заштита на животните, унапредување на демократијата и човековите права како и сите непрофитни организации со коишто директно соработува. Пишете и на Никица на nikicak@konekt.org.mk

Виктор Мирчевски, Програмски раководител

Тој е магистрант по политички студии на TEMPUS програма по Европски институции и политики. Од тука и од претходните работни искуства во Секретаријатот за европски прашања и во Националниот демократски институт за меѓународни односи (НДИ) Македонија, произлегува неговиот интерес за иницијативите поврзани со подобрување на законската регулатива и нејзината примена. Во својата работа во Конект е одговорен за бмислувањето, раководењето и спроведувањето на програми поврзани со филантропија, законодавните иницијативи, како и меѓународните иницијативи на Конект за општествена одговорност на претпријатијата. Работата со компаниите, институциите и граѓанските организации, како и нивното поврзување го исполнува.

Покрај посветеноста работата во Конект, Виктор наоѓа време да се посвети и на уметноста. Пишете му на Виктор на  viktorm@konekt.org.mk

Наташа Ивановска, Финансиски и административен соработник

Таа е дипломиран новинар со дополнително завршени додипломски студии на Институтот за безбедност, одбрана и мир. Од своите средношколски денови е активист во граѓанскиот сектор, а со програмски активности почнува да работи во почекотот на своите студии. За време на студирањето е ангажирана на проекти поврзани со младинското работење и младинските организации, потоа се префрла во спроведување на проект на УСАИД и денес е дел од тимот на Конект. Страствен гурман кој ужива во одлични јадења, јога и патувања. Пишете и на Наташа на  natashai@konekt.org.mk

Билјана Минчева, Програмски асистент

Додипломските студии ги заврши на Филолошкиот факултет „Блаже Конески“ на катедрата за Превод и толкување, француски и англиски јазик. Постидпломските студии ги заврши  во Франција на програмата за Европски студии при Универзитетот Aix-Marseille. Работното искуство го започна како практикант во Мисијата на Р.Македонија при ЕУ во Брисел од каде продолжи како волонтер во Министерството за надворешни работи во Скопје. Понатаму искуството го гради во најразлични сектори, од банкарски до ИТ сектор, Агенција за филм и филмски фестивали, секогаш водена од желбата да научи нешто ново а да не се ограничи само на примарната струка, односно преводот. Во Конект доаѓа како програмски асистент и обезбедува поддршка на програмските активности на организацијата. Ужива во патувања, готвење и  рачни изработки а во најголем дел слободното време сака да го минува со активности во природа, посета на културни настани, возење точак или пешачење. Пишете и на Билјана на  biljanam@konekt.org.mk