Јануари беше одлична можност да ја сумирате претходната и да направите планови за претстојната година. Се надеваме дека плановите за оваа година ви се веќе подготвени. Но, дали испланиравте што и колку ќе донирате годинава? Доколку се уште не сте го комплетирале овој дел, Конект и ТЕА модерна подготвија донаторски календар за 2013 година, во којшто ве потсетуваат на значајни датуми, настани и активности, кои можат да ви помогнат да направите нешто добро за заедницата, но и за вас самите.
Доколку имате некоја поразлична идеја, контактирајте не во Конект и ние ќе ви помогнеме да донирате и волонтирате согласно вашите желби и можности.
